1. Hasi
  2. Hiria
  3. Zer egin eta zer bisitatu
  4. Iruña 16 gertaeratan
  5. San Nicolás Eleiza

San Nicolás Eleiza

San Nicolás Eleizaren arkua

San Nikolas gotor-eliza (XII. mendea) San Nikolas burguko eraikin erlijiosorik garrantzitsuena zen. Gotor-elizak aldameneko burguetatik defendatzea izan zuen egiteko nagusia, horregatik ditu, hain zuzen, horma sendoak, burdin-sareak eta hiru zaintza-dorre; hiru dorreetatik bakar batek dirau, gaur egun, eta hori 1924. urtean zaharberritu zuten. Egun, Iruñeko Alde Zaharreko mugarrietako bat dugu San Nikolas eliza, eremu baten burua, non merkataritza-jarduera handia baita, egunez, eta jai-giro polita, gauez.

Eliza gurutze latindarreko oinplano baten arabera banatzen da, eta hiru nabe ditu. Trazadura, alboetako hiru nabeen kanoi zorrotzeko gangak eta erdiko hormaren alde bat protogotikoak dira. Erdiko nabearen gurutzeriazko gangak, gurutzadura eta presbiterioa -gurutziltzatua eta beirateak barne-, bestalde, XIV. mendekoak dira. Erretaula guztiak desmontatu ziren, 1982ko leheneratzea eta gero.

Barne aldean, gotikoa da nagusi, baina hori ez da ia-ia islatzen kanpoko aldean, salbu bi atetan eta murruaren goiko aldeko hainbat partetan. Gainerakoa Ángel Goicoecheak 1888an egin zituen erreformek -parroki etxea, Sarasate pasealekura ematen duen fatxada eta ipar zein mendebaldetik eliza inguratzen duen elizpe neogotikoa- estaltzen dute. Kanpandorrea eta almenak José Martínez de Ubagok eginak dira (1924).

Eliza barruan, organo barroko handia gailentzen da. 1769. urtean egindakoa da, Iruñeko organo garrantzitsuena den Santo Domingo elizakoarekin batera. Organoa koruan dago.

© Iruñeko Udala. Udaletxe Plaza z/g 31001 Iruña (Nafarroa) - 948 420 100 - pamplona@pamplona.es

Partekatu

Icono de conformidad Nivel Doble-A, W3C-WAI pautas de accesibilidad a los contenidos de la Web 1.0 del W3C-WAI