Usamos cookies propias y de terceros para mejorar la calidad de nuestros servicios. Si continua navegando consideramos que acepta el uso de cookies. Más información en Uso de cookiesx

Búsqueda avanzada
  1. Inicio
  2. Actualidad
  3. Abendu amaierarako burututa egongo da San Frantzisko Ikastetxe Publikoko patioaren zati bat (415 m2) estaliko duen obra, 300.000 euroko inbertsiokoa

Abendu amaierarako burututa egongo da San Frantzisko Ikastetxe Publikoko patioaren zati bat (415 m2) estaliko duen obra, 300.000 euroko inbertsiokoa

Abendu amaierarako burututa egongo da San Frantzisko Ikastetxe Publikoko patioaren zati bat (415 m2) estaliko duen obra, 300.000 euroko inbertsiokoa

Alkateak eta Hirigintza Gerentzia eta Batzordeko kideek bisitatu dituzte obrak, Udalak eta Nafarroako Gobernuak erdi bana finantzatu dituztenak

Aurrera doaz San Frantzisko IPko patioa estaltzeko lanak, eta, horiek horrela, abendu amaierarako egongo da patioaren zati bat estalita. Irailaz geroztik, kamioi-garabi baten laguntzaz, Ensambla Madera S.L. enpresa ari da eraikin-zubi bat eraikitzen, zur jasangarriaz egindako paralelepipedo bat, patioaren heren bat estali ez ezik eraikinaren alde bakoitzean eraikitako bi muturren lehen solairuak lotuko dituena -eraikina U formakoa baita-. Aste hauetan zehar materialak deskargatzeko sistemak egokitu dira, behar diren materialen bolumenen arabera, eta eskola komunitatearendako zein bizilagunendako traba gutxien egiteko ordutegiak ere aintzat hartuta. Jarduketaren aurrekontua 299.799 euro da, eta horren % 50 Nafarroako Gobernuak hartuko du bere gain.

Hirigintza Gerentzia eta Batzordeko kideek, alkatea buru zutela, goizean bisitatu dituzte lanak, eta bertatik bertara jaso dituzte proiektua egiteaz arduratu diren Fermín Ibarrola eta Rakel Arbizu udal-teknikarien azalpenak. Halaber, ikastetxeko zuzendaritzako kideak izan dira bisitan. Ikasturte honetan, 400 bat haurrek ikasten dute San Frantzisko eskolan. Aurreikusitakoaren arabera, patioaren zati bat estaltzeko egitura prest egongo litzateke Gabonetako oporretatik bueltan.

San Frantzisko IPko eraikina Iruñean XIX. mendeko eklektizismoaren erakusgarri diren eraikinetako bat da, nahiz eta obra -harriz, adreiluz eta geroz eta txikiagoak diren hiru solairuz egina- 1902. urtean gauzatu zen. Julián Arteaga udal-arkitektoa izan zen horren egilea. Oraingo esku-hartze hau egin ahal izateko, zehazki barne-lerrokadurak doitu eta estalkia paratu ahal izateko, Iruñeko Alde Zaharraren Babes eta Barne Berrikuntzarako Plan Bereziaren (PEPRI) aldaketa hasiera batez onetsi zen maiatzean.

Dena prest azken faseari ekiteko

Irail amaieran lanak hasi zirenetik, bigarren lizitazioaren ostean, obren ondoriozko saneamendu horizontalari dagozkion lanak egin dira, putzu zein zangetarako hondeatze-lanak eta egituraren zimendatze-lanak -mikropilotak, zapatak eta hormigoi-zepak-; eta hormigoizko bost zutabe zirkularrak gauzatu dira. Horrez gain, hormigoiztatzea egin da, kamioi-garabi baten laguntzaz. Eta era berean, etorkizunean gune berria oraingo eraikinari lotzeko tarteak zabaldu dituzte.

Kamioi-garabia hurrengo asteetan ere erabiliko da, tokian bertan muntatzeko paralelepipedoaren alde banatako zurezko sareta nagusiak; horrela, saretak jarri eta finkatuko dira gero. Zurezko osagaiak (PEFC edo SFC zigiludunak, produktuaren jasangarritasuna bilatze aldera) fabrikatu eta lantzen ari dira egunotan lantegian, ikastetxeraino eraman aurretik. Lanak burutzeko plataforma artikulatuen laguntza izango da, eta aldamioak paratuko dira. Esku-hartzearen azken zatiak barne hartuko ditu fatxadaren itxiturak jartzeko lanak eta estalkia jartzekoak; estalkia aurrez lakatutako altzairuzko bi xaflaz eta poliuretanozko nukleo isolatzailez osatutako "sandwich-panelez" eratutako dago, isolamendu termikorik handiena eta erabateko estankotasuna bermatzeko.

16 urtez geroztik aktiboki eskatutakoari erantzun ematea

Egitura armatuta eta 5,50 metroko altueran dagoenean, laritz eta Erronkariko pinu gorriaren egurrez egindako paralelepipedoak patioaren azaleraren heren bat (415 m2) estaliko du. Horrela, jada ez da izango Iruñean gune estalirik ez duen Lehen Hezkuntzako ikastetxerik, eta ikastetxeko zuzendaritzak 2003-2004ko ikasturteaz geroztik eskatzen duenarekin bat, San Frantzisko IPak aukera izango du patiora irteteko euria ari badu ere, eta gune horretan egin ahalko dira eskolaz kanpoko jarduerak eta ospakizun bereziak, Olentzero, inauteriak edo kultur astea, esate baterako.

Halaber, ikastetxeak 270 m2-ko gune berria izango du eraikin-zubi horren barruan, zeinak gainera bi hegalak lotuko baititu. Egitura berri hori erabilera anitzeko gela modukoa izan ahalko da: 25 metro luze, 10 metro zabal eta 5 metro garai izango da gunea. Gune berria zortzi LED proiektagailu orientagarriez argiztatuko da, kolpeen kontrako lur gaineko argiez. Argi gehiago emateko bi proiektagailu jarriko dira, baita ere, oraingo patioan.

Iruñean, 2018ko azaroaren 7an

Buscar en las noticias

Cuándo (Desde / hasta):

Nos importa tu opinión

Valora la página:

El Ayuntamiento te escucha

Servicio de atención telefónica 010

948 420 100 para llamadas fuera de Pamplona o desde móviles

© Ayuntamiento de Pamplona. Plaza Consistorial s/n 31001 - Pamplona (Navarra) - 948 420 100 - pamplona@pamplona.es


Compártelo